ЛАССЫ-ЛАССЫ ИҚӘДЫРГЫЛО АЗҴААРАҚӘА:

#StopCoV

ЛАССЫ-ЛАССЫ ИҚӘДЫРГЫЛО АЗҴААРАҚӘА:

COVID-19 азы иҟазшьарбагоуп амцашоура ашьҭыҵреи, ахәда ахьааи, афҩи агьамеи ацәыӡреи, ахыхьи, амчыдареи, аҳауа азымхареи, аҧсыҧ лагаҩагара аилахәареи (уаанӡа ишәымамыз).

-    аҳауа азымхара

-    агәышҧы аҿы ахьаа/ақәыҕәҕәара

-    ахдырра аилагара

-    ацәылашьра

-    узышьцылам ахаҿцәышра/иҵәыиаҵәаау ақьышәқәеи ахаҿи

COVID19 аинфекциа ҿикааит ҳәа дыҧхьаӡоуп алобораториатә ҭҵаара ала (PCR тест) мамзаргьы антиген атест лас ала акоронавирус адиагноз ззышьақәырҕәҕәоу ауаҩҧсы

  • Аковид инфекциа змоу дарбанзаалак аӡәы иҟны аимадара сымамызт, аха, уезгьы, аковид азы иҟазшьарбагоу асимптомқәа сызцәырҵит?

- Шәҭаацәаратә ҳақьым шәидҵаал. Аимҳәареи амцашоуреи егьырҭ авирустә инфекциақәа рзгьы иҟазшьарбагоуп. Убри аҟынтә,  шәеимҳәозар ма амцашоура шәымазар, уи иаанагом хымҧада аковид-инфекциа ҿышәкааит ҳәа. Аха, уезгьы, алшара шәымазар, мышқәак шәҽыҧхьакны шәыҟазароуп. Ишаҧу ала, егьырҭ авирустә инфекциақәа рзы иҟазшьарбагоу асимптомқәа  3 - 5 мшы рышьҭахь ииасуеит.

  •  Акоронавирус ҿыцзкааз ауаҩы иҟны аимадара ашьҭахь асимптомқәа сызцәырҵзар?

- Аимадара ашьҭахь 12 мшы аҽыҧхьакраҿы шәыҟазароуп. 112 амаҵзура ма шәҭаацәаратә ҳақьым шәидҵаал, дара, адиагноз ашьақәырҕәҕәаразы атест аҟаҵаразы  шәдәықәырҵоит.

Ҷыдала ишәарҭоу еимадарас иҧхьаӡоуп асимпомқәа рцәырҵранӡа ма алабораториатә анализ аҟаҵаранӡа 48 сааҭ рыҩнуҵҟа:

-                      акоронавирус адиагноз ззышьақәырҕәҕәоу ауаҩҧсы иҟны метрак еиҵны адистанциала 15 минуҭ еиҳаны  аимадара;

-                      акоронавирус адиагноз ззышьақәырҕәҕәоу ауаҩҧсы иҟны афизикатә аимадара;

-                      акоронавирус адиагноз ззышьақәырҕәҕәоу ауаҩҧсы ихылҵыз асекрет (иаҳҳәап, аимсара ма аимҳәара аан) аҟны ишиашоу аимадара;

-                      акоронавирус адиагноз ззышьақәырҕәҕәоу ауаҩҧсы иҟны иарку ақәыҧшылараҿы (иаҳҳәап, аҩны, акласстә уадаҿы, аиҧыларақәа руадаҿы, ахәышәтәырҭа ааҧшратә уадаҿы, уб.егь.) 15 минуҭ еиҳаны аимадара.

- Аҽыҧхьакраҿы шәыҟаз  (аҩны шәыҟазар ауеит, ма иашьашәалоу аҽыҧхьакратә сасааирҭаҿы) аимадара ашьҭахь 12 мшы рыҩнуҵҟа.

- Шәгәабзиара аҭагылазаашьа шәацклаҧшла,  акоронавирус азы иҟазшьарбагоу асимптомқәа шәызцәырҵыр, 112 амаҵзура ма шәҭаацәаратә ҳақьым шәырзасроуп, дара атест аҟаҵаразы шәдәықәырҵоит.

- Акоронавирус адиагноз шәзышьақәдырҕәҕәар, аҳақьым, шәара шәҭагылазаашьеи асимптомқәеи инрықәыршәаны, иара ихала аӡбара идикылоит  аҩны шәхәышәтәра,  мамзаргьы  ахәышәтәырҭашҟа шәииагара иазкны. 

- Акоронавирус адиагноз шәзышьақәыдмырҕәҕәар,  аҽыҧхьакра аҧҟарақәа рықәныҟәара нашәыгӡоит. Аҽыҧхьакра аан акоронавирус  азы иҟазшьарбагоу асимптомқәа цәызцәырымҵыр, аҽыҧхьакра хыркәшазаауеит уи алагара инаркны 12-тәи амш азы.

Шәахьынхо аҭыҧ аҿы аҽыҧхьакра алшара шәымазар,  аҩны шәыҟаз. Азеиҧш ҽыкәабарҭеи ашьышьмаҭреи рхархәара ҟалоит,  аха агигиенатә нормақәа зегьы рыхьчара ала.  Аҽыҧхьакразы иаҭаху аҭагылазаашьақәа шәымамзар,  112 ашҟа адырра ҟашәҵаруоп,  дара аковид-сасааирҭашҟа шәииаргоит.

Адәахьы шәдәылымҵын

Асасцәа шәыдшәымкылан

Аҭаацәара алахәылацәа рҟны аимадара шәымаз зда ҧсыхәа иҟам аҭагылазаашьа мацара аан,  уигьы  аамҭакьаҿла, адистанциа ахьчара ала,  аимадара иалахәы ауаа зегьы хымҧада асабрадақәа рҿазароуп. 

Шәхатә чысмаҭәеи,  аиарҭамаҭәеи,   агигиенатә маҭәарқәеи шәымазароуп.

Аҽыҧхьакра аан акоронавирус ахкҿыц азы иҟазшьарбагоу асимптомқәа цәызцәырымҵыр,  аҽыҧхьакра хыркәшазаауеит 12-тәи амш азы.

Акәарматәи аимадаратәи мҩала -  иаҳҳәап,  аимҳәара ма аимсара аан,  анапеимдара аан,  иҟьашьу анапыла аблақәа ма ахаҿы алакьысра ала,   ичмазаҩу ауаҩҧсы иҟны аимадара ала. 

Ичмазаҩу ауаҩы асимптомқәа изцәырҵаанӡа ҩымш раҧхьа  (48 сааҭ рыла) авирус аларҵәара далагоит.   

 

Акоронавирус аҽыхьчаразы зегьы иреиҕьу хархәагоуп авакцинациа.

Авирус аҿкаара апревенциазы иазҧхьагәашәҭароуп абарҭ абжьагарақәа:

·      ауаа ахьырацәоу аҭыҧқәа рахь шәымнеин

·       иарку ақәыҧшылареи   ауаа ахьырацәоу аҭыҧқәеи рҿы, иара убас,   акоронавирус азы иҟазшьарбагоу асимптомқәа змоу ауаа рҟны аимадара аан   асабрада шәҿазароуп.

·      2 метрак адистанциа шәыхьча  ( асабрада шәҿазаргьы)

·      аӡылеи сапынлеи лассы-лассы шәнапқәа шәыӡәӡәала (40-60 секунд рыҩнуҵҟала),  мамзаргьы,  70% алкоголь злоу аӡшьара ала ишәрыцқьала  (20-40 секунд).

·      излауа ала,  ауаажәларратә транспорт шәхы иашәмырхәан.  

 

 

 

Аинкубациатә период  (ауаҩы авирус анилалалак инаркны асимптомқәа изцәырҵаанӡа аамҭа),  инақәырҧшны,   5-6 мшы инагӡоит,  аха 14 мшынӡагьы инагӡахар ауеит.

·       Ачымазара ашьақәыргыларазы рхы иадырхәоит антиген атест лас, мамзаргьы аҧынҵахәлымшәаҿы авирус аҟазаара шьақәзыргыло  PCR тест. 

·     Атәымцәеижьҿагылақәа рзы атест: COVID-19 IgM/IgG  атест ласуп, уи ашьеи,  ашьахызи, аплазмеи рҿы  авирус аҿагыларатә атәымцәеижьҿагылақәа рыҟазаара шьақәнаргылоит.  Асимптомқәа змам апациентцәа рҿы,  мамзаргьы ачымазара заанаҵтәи аетап азы ари атест аҟаҵара иахәҭам, избанзар атәымцәеижьҿагылақәа алҵра иалагоит ачымазара алагара инаркны 5-тәии 14-тәии амшқәа рзы.

Ачымазара ашьақәыргыларазы рхы иадырхәоит антиген атест лас, мамзаргьы аҧынҵахәлымшәаҿы авирус аҟазаара шьақәзыргыло  PCR тест.  

Атәымцәеижьҿагылақәа рзы атест: COVID-19 IgM/IgG  атест ласуп, уи ашьеи,  ашьахызи, аплазмеи рҿы  авирус аҿагыларатә атәымцәеижьҿагылақәа рыҟазаара шьақәнаргылоит.  Асимптомқәа змам апациентцәа рҿы,  мамзаргьы ачымазара заанаҵтәи аетап азы ари атест аҟаҵара иахәҭам, избанзар атәымцәеижьҿагылақәа алҵра иалагоит ачымазара алагара инаркны 5-тәии 14-тәии амшқәа рзы.

Ахатә ҭаххарала абарҭ атестқәа рыҟаҵара иахәҭам.

Шәхатә ҭаацәаратә ҳақьым шәидҵаал.

Аҳәынҭқарра  атестирра ахәҧса ашәоит хымҧада атестирра ззыҟаҵатәу абарҭ агәыҧқәа рзы (агәыҧқәа ҳәаақәҵоуп ақәҵара  N975 ала): 

·       апневмониа адиагноз ала, ма амцашоура ала амедицинатә усбарҭашҟа инагоу дарбанзаалак ауаҩы, иара, аамҭакала, ареспиратортә чымазара асимптомқәа имазар, мамзаргьы, аҳақьым иӡбарала, амцашоура мацара ма/иара убас егьырҭ аклиникатә дыргақәа змоу ауааҧсыра  (урҭ рыбжьара, амбулаториатә гәаҭаразы инеиз апациент атест изыҟаҵара, атест аҭак роуаанӡа апациент аҽыҧхьакрашҟа диаганы);

·       амедицинатә персонал;

·       адиализ зхы иазырхәо ауааҧсыреи  урҭ рымаҵ зуа амедперсонали;

·       Қырҭтәылаҟа иааиз, иара убас, имыпҵахалоу аҵакырадгьылқәа рҟынтә ииасыз, акарантинтә қәыҧшылараҿы иҟоу ауааҧсыреи урҭ рымаҵ зуа аперспонали, уб.егь. ;

·       Хәыҧсада атестирра ззыҟарҵо агәыҧқәа ирызкны инарҭбаау аинформациа жәбар шәылшоит  https://matsne.gov.ge/ka/document/view/4896450?publication=9

·       аҳәаанырцәынтә иааиз, авакцина ҟазымҵац, ма авакцинациа акурс наӡа иахымсыз ауаҩҧсы,  8 мшы аҽыҧхьакра ацынхәрас, 3-тәи амш азы, ихатә харџьла, PCR атест аҟаҵара иуалуп. https://matsne.gov.ge/ka/document/download/4877009/112/ge/pdf?fbclid=IwAR2vaeYB2wiM6LPAzwj90v0k23xku9QSnotr2GCqhn9qjRxpjH6HVZLH49I

·       егьырҭ ҭагылазаашьақәа раан, атест шәхатә гәаҧхарала иҟашәҵозар, уи ахәҧса шәшәароуп.

Шәҭаацәаратә ҳақьым шәидҵааланы, анализ аҟаҵаразы арегистрациа шәахысроуп. Атестирра ҟашәҵар шәылшоит абри  азхьарҧш аҿы иарбоу алабораториақәа рҿы.  https://stopcov.ge/ka/klinikebi

·       Апланла иазҧхьагәаҭоу амедицинатә цхыраара шәҭахызар, шәҳақьым шәидҵаал, иара аинфекциа ахылаҧшра аҧҟарақәа инрықәыршәаны, ацхыраара шәиҭоит, мамзаргьы иҟашәҵаша шәеиҳәоит.

·       мамзаргьы,  зыҧшра ҟамҵакәа амедицинатә цхыраара шәҭаххар, 112 амаҵзура шәадҵаал.

Раҧхьа иргыланы, ичмазаҩхаз ауаҩы ицынхо  аҭаацәара егьырҭ алахәылацәагьы аҽыҧхьакраҿы иҟазароуп.  Шәҭаацәара алахәыла, аҳақьым иӡбарала, аҩны иҽихәшәтәуазар, авирус аҿкаара ашәарҭара аҽыхьчаразы хымҧада ҧҟарақәак шәрықәныҟәароуп:

·       аҧенџьыр ма ашә аартны, лассы-лассы ауада аҧша ҩнашәырсроуп. Авирус змоу ауаҩы иҟны хымҧада аимадара зҭаххо  аҭаацәара алахәылацәа зегьы хымҧада асабрадақәа рҿазароуп. Аҽыҧхьакраҿы иҟоу аҭаацәара алахәыла иҟны афизикатә аимадара аҟынтә шәҽаанышәкылароуп. Авирус змоу ауаҩы ихатә чысмаҭәеи абзазаратә маҭәарқәеи ихы иаирхәароуп.

·       уи еиҧш алшара иҟазар,  аҽыҧхьакраҿы иҟоу ауаҩы хазы аҽыкәабарҭеи асанитартә-гигиенатә ауадеи ихы иаирхәароуп, мамзар, азеиҧш шьышьмаҭра ахархәара ашьҭахь, авирус змоу ауаҩы дызлакьысыз амаҭәарқәа зегьы адезинфекциатә маҭәашьар ала ирыцқьатәуп.

·       Азеиҧш қәыҧшылараҿы иҟоу амаҭәарқәа зегьы лассы-лассы ирыцқьатәуп аспирт злоу  (60-80%) амаҭәашьар ала.

·       Акоронавирус ахкҿыц адиагноз ззышьақәырҕәҕәоу ауаҩҧсы исимптомқәа ҧсыҽзар, мамзаргьы асимптомқәа имамзар, иара аҩны иҽихәышәтәыр илшоит. Аха, иара хымҧада аҽыҧхьакразы иахәҭоу аҭагылазаашьақәа имазароуп.

·       Ауаҩы исимптомқәа ҧсыҽзар, мамзаргьы асимптомқәа имамзар, аха, аҽыҧхьакразы иаҭаху аҭагылазаашьақәа имамзар, 112 амаҵзура адҵаалара ашьҭахь, иара аковид –сасааирҭашҟа диаргоит.

·       Ауаҩҧсы аҩны ихәышәтәразы аӡбара идикылоит аҭаацәаратә ҳақьым, ауаҩы иҭагылазаашьа иазҧхьагәаҭаны, аҳәынҭқарра ала ишьақәырҕәҕәоу апротокол инақәыршәаны.

·       Апациент ахәышәтәырҭашҟа ииагара еиҧшҵәҟьа, аҩны ихәышәтәрагьы иазкны аӡбара идикылоит аҳақьым,  иара аӡбара идикылоит апациент игәабзиара аҭагылазаашьа инақәыршәаны.  

·       Ачымазаҩ асимптомқәа имазар, ахәышәтәра хыркәшазаауеит аҽыҧхьакра алагара инаркны  10мши асимптомқәа рыда хымши  еиҵамкәа анҵлак ;

·       ачымазаҩ асимптомқәа имамзар, апациент  10мшы аҽыҧхьакраҿы дыҟазароуп, 11-тәи амш инаркны аҳақьым ихылаҧшрада дыҟазар илшоит. 

·       Аҩ-ҭагылазаашьак раан ауаҩы ачымазара дшалҵыз  шьақәирҕәҕәароуп аҭаацәаратә ҳақьым.

·       Ахәышәтәырҭантә апациент доурыжьҭуеит ишьақәырҕәҕәоу апротокол инақәыршәаны, аҳақьым иӡбара ала. 

·       Ари азҵаара иадҳәаланы абжьагара ҟаиҵоит иара дзыхәшәтәуаз аҳақьым, апациент иҭагылазаашьа иазҧхьагәаҭаны. 

-       Аҽыҧхьакра аҧҟарақәа зегьы шәрықәныҟәалароуп.

·       Адәахьы шәдәылымҵын.

·       Асасцәа шәыдшәымкылан.

·       Аҭаацәара алахәылацәа рҟны афизикатә аимадара шәамазароуп зда ҧсыхәа иҟам аҭагылазаашьа мацара аан, уигьы аамҭакьаҿла, адистанциа ахьчарала ауп ишыҟало, уи аамҭазы аҭаацәара алахәылацәа зегьы асабрадақәа рҿазароуп. 

·       Шәхатә чысмаҭәеи, аиарҭамаҭәеи, агигиенатә маҭәарқәеи шәымазароуп.

·       Аҧенџьыр/ашә аартны, лассы-лассы ауада аҧша ҩнашәырсроуп.

-       Аҳақьым шәимазҵаакәа ахәшәқәа шәыдшәымкылан.  COVID-19 ахәышәтәра асимптомтә ҟазшьа амоуп, асимптомқәа рхылаҧшразы  ишәҭаху ахәшәқәа ирызку аинформациа шәиҭоит аҳақьым.

-       ауадаҿгьы, излашәылшо ала, активра шәылазароуп.

-       Аҳақьым ибжьагара инақәыршәаны, ауадатә температура змоу аӡшьар рацәаны шәыдышәкылароуп.

·       Акарантинтә зонаҿы иҟоу ауаҩы аус иуазар, Агәабзиарахьчара аминистрра, иара иҳәара инақәыршәаны, ахәышәтәырҭатә бҕьыц иашьашәалоу аилкаа иҭара азин амоуп.

·       Астационар аҿы иҟоу ауааҧсыра  аилкаа роуеит астационартә усбарҭа аҟынтә, ауаҩы аҩны иҽихәышәтәуазар, аилкаа иоуеит иашьашәалоу (ахәышәтәра апроцесс иалахәы) онлаин-клиника аҟынтә.

Абри азҵаара ҳәаақәҵоуп Қырҭтәыла аиҳабыра ирыдыркылаз 332-тәи ақәҵара ала, уи аамҭа-аамҭала идырҿыцуит.

https://matsne.gov.ge/ka/document/download/4877009/112/ge/pdf?fbclid=IwAR2vaeYB2wiM6LPAzwj90v0k23xku9QSnotr2GCqhn9qjRxpjH6HVZLH49I

 

COVID-19 апандемиа иадҳәаланы Қырҭтәыла аҳәаа ахысразы ишьақәыргылоу арегулиациақәа

 

Аковидвакцинациа ала Қырҭтәыла алалара аҳаиртә мҩала

Иарбан тәылазаалак атәылауаҩ,  аҳәаа ахысра аан иарбанзаалак аковидвакцинациа акурс наӡа амҩаҧгара зыршаҳаҭуа адокумент ицзар, аҳаиртә мҩала атәыла даҭааир илшоит.

 

Аковидвакцинациа ала Қырҭтәыла алалара адгьылтә мҩала

Рашәара 1 инаркны, адгьылтә мҩала Қырҭтәыла аҭаара рылшоит иарбанзаалак атәыла атәылауаа, дара аҳәаа ахысра аан иарбанзаалак аковидвакцинациа акурс наӡа амҩаҧгара зыршаҳаҭуа адокументи аҵыхәтәантәи 72 сааҭ рыҩнуҵҟала иҟаҵоу PCR атест иҵоурам аҭаки цәырыргар.

Аковидвакцинациа ада Қырҭтәыла аҭаара адгьылтәи аҳаиртәи мҩала

Атәым тәылауаа/арезидентцәа

Аҳәаа ахысра ҟалоит аҵыхәтәантәи 72 сааҭ рыҩнуҵҟала иҟаҵоу  PCR атест мацарала, усҟан, ауааҧсыра, атәыла ианалалак инаркны  72 сааҭ рышьҭахь  (3-тәи амш азы) хымҧада  PCR атест еиҭаҟарҵароуп.

72 сааҭтәи PCR атест арежим ала атәыла иаҭаауа ауааҧсыра stopcov.ge аҿы иарбоу  аелектронтә аппликациа хадырҭәаароуп:

https://registration.gov.ge/pub/form/8_protocol_for_arrivals_in_georgia/tk6157/

Ишәыдаагалоит аҵыхәтәантәи  72 сааҭ рыҩнуҵҟала иҟаҵоу PCR атест иҵоурам аҭак ала  зтәылауаа Қырҭтәыла аҳәаа ахысра азин змоу аҳәынҭқаррақәа реиқәыҧхьаӡа:

Евроеидгыла иалоу аҳәынҭқаррақәа

Израильтәи аҳәынҭқарра

Ҭырқәтәылатәи ареспублика

Швеицариатәи аконфедерациа

Норвегиа аҳра

Иеиду Америкатә Штатқәа

Британиа Дуи Аҩадатәи Ирландиеи  иеиду аҳра

Саудтәи Аравиа аҳра

Ҟатартәи аҳәынҭқарра

Иеиду Араҧтәи Емиратқәа

Баҳреин аҳра

Шәамахьтәылатәи ареспублика

Азербаиџьантәи ареспублика

Украина

Казахстантәи ареспублика

Урыстәылатәи афедерациа

Беларустәи ареспублика

Ҭуркменистан

Узбекистантәи ареспублика

Таџьикистантәи ареспублика

Ҟиргистантәи ареспублика

Рашәара 1 инаркны абри аәқәыҧхьаӡа иацлоит:

Иапониа

Канада

Кувеит

Китаи

Аладатәи Кореиа

Молдова

Оман

 

Қырҭтәыла атәылауаа

🔷 Қырҭтәыла атәылауаҩ, Қырҭтәылаҟа авизитнӡа аҵыхәтәантәи 72 сааҭ рыҩнуҵҟала иҟаҵоу PCR атест иҵоурам аҭак цәыригар, иара ишииӡбо ала, ма  8-мштәи аҽыҧхьакраҿы дыҟазароуп (аҽыҧхьакразы иаҭаху аҭагылазаашьақәа имамзар  – акарантинтә қәыҧшыларашҟа диаргоит), мамзаргьы  3-тәи амш азы, ихатә харџьла, хымҧада PCR атест ҟаиҵароуп;

🔷 Қырҭтәыла атәылауаҩ, Қырҭтәылаҟа авизитнӡа аҵыхәтәантәи 72 сааҭ рыҩнуҵҟала иҟаҵоу  PCR атест аҭак имамзар  – хымҧада  8 мшы аҽыҧхьакраҿы дыҟазаауеит  (аҽыҧхьакразы иаҭаху аҭагылазаашьақәа имамзар  – акарантинтә қәыҧшыларашҟа диаргоит);

🔷 Қырҭтәыла ма атәымтәыла атәылауаҩ, иара аҵыхәтәантәи 14 мшы рыҩнуҵҟа Индиатәи ареспубликаҿы дыҟазар, хымҧада 14 мшы акарантинтә қәыҧшылараҿы дыҟазаауеит  (ихатә харџьла).  Иара убас, иара, аҳәаатә аужьҭратә пункт аҿы ицәыригароуп аҵыхәтәантәи  72 сааҭ рыҩнуҵҟала  PCR атест шыҟаиҵаз зыршаҳаҭуа адокумент.

 

-       Ари аинформациа еснагь идырҿыцуеит, шәара ари аинформациа гәашәҭароуп шәцар ахьышәҭаху атәыла ацҳаражәҳәара/аконсулраҿы.

Атәымтәылауаа  COVID-19 иадҳәалоу амедицинатә сервисқәа рыхәҧса рхала иршәоит.

-       Зықәрахь инеихьоу

-       Ачымазара лаҽқәа змоу ауааҧсыра  (ҷыдала, агәышьадатә чымазарақәеи, арҧҳақәа рчымазарақәеи, ашьақар чымазареи, аҧсылацәахареи, акьыба ачымазарақәеи, аспиди, уб.егь..)

-       Асимптомқәа змам апациентцәагьы авирус аладырҵәоит, аха, асимптомқәа аныҟам, иаҳа имаҷны авирус рхылҵуеит.

Иҟалоит, убри аҟынтә, хымҧада ачымазара шцо дацклаҧшлароуп, иҭагылазаашьа еицәахар, зыҧшра ҟамҵакәа аҭаацәаратә ҳақьым  адырра ииҭароуп. 

Ааи, иҟалоит.

-       Ауаажәларратә шәарҭадара ахылаҧшра ацентр   -  112

-       Аиҳабыратә Ацәаҳәа ҷыда  - 144

-       Агәабзиарахьчара аминистрра Ацәаҳәа ҷыда   -  1505

-       Ачымазарақәа рхылаҧшра амилаҭтә центр    -116-001

Ауаҩҧсы аҽыҧхьакра иазку аӡбара шынаигӡо иахылаҧшуеит Қырҭтәыла Аҩнуҵҟатәи аусқәа рминистрра иашьашәалоу аҟәшақәа.

Қырҭтәыла аҩнуҵҟатәи аусқәа рминистрра, ахатә компетенциа аҳәаақәа ирҭагӡаны, иашьашәалоу афакт ма/иара убас, аинформациа иҟазар, аҽыҧхьакраҿы  (акарантин) аҿы иҟоу ауаҩҧсы аҽыҧхьакраҿы аҟазаара аҧҟарақәа шынаигӡо агәаҭареи,  иара убас, ауаҩҧсы фактла аҭыҧаҿы иҟазаара агәаҭареи, аамҭа-аамҭала аҭел изасреи, Қырҭтәыла азакәан ала иазҧхьагәаҭоу егьырҭ ахархәагақәа рыла амониторинг амҩаҧгареи азин амоуп.

PCR атест аҟаҵара иазкны аӡбара идикылоит аҭаацәаратә ҳақьым. Аҳақьым иҟынтә  адәықәҵабҕьыц  шәымазар, PCR атест ахәҧса ашәра шәықәшәом.

Аҭаацәаратә ҳақьым/амедицинатә усбарҭа иазку аимадаратә информациа аиуразы, шәҭал апортал: https://ambulatoria.moh.gov.ge/ , мамзаргьы аномер  15-05 ала Ацәаҳәа ҷыда ашҟа аҭел шәас. Хазхаҭалатәи амедицинатә аҧгаҧса шәымазар, аҧгаҧсатә еилахәыра шәадҵаал.

COVID-19 аҽыхьчаратә вакцинациа апандемиа аанкыларазы зегьы реиҳа алҵшәа зхылҵуа хархәагоуп. Авакцинацаи авирус аҿкаареи, ачымазаҩхареи, аҧсҭбареи ашәарҭара еиҵанатәуеит.   COVID-19 авакцинациа алҵшәа бзиа шахылҵуа шьақәырҕәҕәоуп етапқәак рыла имҩаҧгаз аклиникатә ҭҵаарақәа рыла,  COVID-19 авакцинациа ахьымҩаҧысуа атәылақәа рҧышәа ашьаҭа ала.

Агәабзиарахьчара адунеизегьтәи аиҿкаареи, ауаажәларратә гәабзиарахьчара аусбарҭақәеи, зквалификациа ҳараку аҳақьымцәеи COVID-19 аҽыхьчаратә алаҵа аҟаҵаразы абжьагара ҟарҵоит!

 

COVID-19 шәхыжәгахьазаргьы, алаҵа ҟаҵатәуп, избанзар, иахьазы иҟоу ашьақәырҕәҕәагақәа инрықәыршәаны, ауаҩы аинфекциа ихигахьазаргьы, ииммунитет усҟак иҕәҕәам, иара еиҭах акоронавирус ҿикаар илшоит.

Қырҭтәыла авакицнациа мҩаҧысуеит хәыҧсада, ахатә ҭаххарала.

Авакцина рхы иадырхәар рылшоит  18 шықәса еиҳаны зхыҵуа Қырҭтәыла атәылауаа.

Авакцинациазы  аҽҭаҩреи аҭыҧ аанкылареи шәылшоит арегистрациатә портал: https://booking.moh.gov.ge/ ала.

 

Шәахәаҧш арегистрациазы абжьагарақәа: https://fb.watch/4c2mI8hKtj/

COVID-19 аҽыхьчаратә вакцинациа иазку аинформациа аиуразы аус ауеит Ацәаҳәа ҷыда  - 15 22, уи есымша, асабшазгьы амҽышазгьы, асааҭ 09:00 инаркны асааҭ 23:00-нӡа аус ауеит. Иара убас, аинформациа жәбар шәылшоит абарҭ авеб-даҟьақәа рҿы:

WWW.STOPCOV.GE

WWW.MOH.GOV.GE

WWW.NCDC.GE

www.provax.ge/

COVID 19 аҽыхьчаратә вакцинациа иадҳәаланы лассы-лассы иқәдыргыло азҵаарақәеи аҭакқәеи: http://test.ncdc.ge/Handlers/GetFile.ashx?ID=2a2a89e3-f026-4c4a-b32b-0dcb2fcb4d13

  • АКОРОНАВИРУС ЗЗЫШЬАҚӘЫРҔӘҔӘОУ АУАА РХЫҦХЬАӠАРА - 407689 -ҩык , Иҳаҩсыз 24 сааҭ рыла - 3666 -ҩык
  • УРҬ РҞЫНТӘИ АЧЫМАЗАРА ИАЛҴИТ - 376088 -ҩык , Иҳаҩсыз 24 сааҭ рыла - 1335 -ҩык
  • УРҬ РҞЫНТӘИ РЫҦСҬАЗААРА ИАЛҴИТ - 5731 -ҩык , Иҳаҩсыз 24 сааҭ рыла - 17 -ҩык
  • Иҳаҩсыз 24 сааҭ рыла 42235 атестқәа ҟаҵоуп, урҭ рҟынтә, антигент азы атест ласқәа - 27425, PCR тестқәа - 14810
  • Аҵоура арбага: мышктәи - 8.68%, иҳаҩсыз 14 мштәи - 6.03%, иҳаҩсыз 7 мштәи - 6.71%
  • Зынӡа алаҵақәа рзыҟарҵоуп - 418398-ҩык, ҽнакала алаҵақәа рзыҟаҵоуп - 13884-ҩык
  • АКАРАНТИН АРЕЖИМ АҾЫ - 64 -ҩык
  • АСТАЦИОНАР АҾЫ АХЫЛАҦШРА АҴАҞА - 5185 -ҩык
  • Аклиникатә сасааирҭақәа рҿы иҟоу ауааԥсыра - 1763 -ҩык

АДЫРРАҚӘА ДЫРҾЫЦУЕИТ ЕСЫМША

Аофициалтә даҟьақәа
Ихыҧхьаӡалоуп
138 351 872
application form for visitors to georgia

Ажәабжьқәа зегьы